Сабраць дзіця ў школу так, каб яшчэ нешта засталося ў кашальку цалкам магчыма. Пры гэтым грашовыя выплаты і збор рэчаў у Беларусі даступныя не толькі шматдзетным.
Куды і каму звяртацца за матэрыяльнай падтрымкай, расказалі ў Міністэрстве працы і сацыяльнай абароны.
Малазабяспечаныя і шматдзетныя
Аднаразовую матэрыяльную дапамогу традыцыйна атрымліваюць шматдзетныя бацькі, якія маюць трох і больш дзяцей. На кожнага школьніка ў такой сям'і дзяржава выплаціць па 159,11 незалежна ад даходу сям'і.
Падаць заяву на матдапамогу бацькі могуць у орган па працы, занятасці і сацабароне па месцы жыхарства або знаходжання. У Мінску і некаторых раёнах Брэсцкай, Віцебскай і Гродзенскай абласцей дакументы могуць прыняць па месцы навучання дзіцяці.
Разлічваць на дзяржаўную адрасную дапамогу могуць і малазабяспечаныя сем'і. Памер выплат вызначае раённая камісія індывідуальна з улікам даходу і сітуацыі ў сям'і.
Звярнуцца за матдапамогай можна ў службу "адно акно" мясцовага выканкама або ў органы сацыяльнай абароны. Яшчэ адзін шлях – тэрытарыяльныя цэнтры сацыяльнага абслугоўвання насельніцтва па месцы жыхарства.
На працы і дабрачынных акцыях
Дапамогу на падрыхтоўку дзіцяці да школы можна атрымаць і па месцы працы. Аднак такая опцыя павінна быць прапісана ў калектыўным дагаворы або лакальным акце.
Больш за ўсё дапамагаюць бацькам дабрачынныя фонды, грамадскія аб'яднанні і тыя ж ТЦСАНы. Звяртацца туды трэба непасрэдна.
Укамплектаваць партфель дзіцяці і, магчыма, атрымаць школьную форму можна ў рамках акцый "Школьны ранец", "Сабяры дзіця ў школу", "У школу з усмешкай", "Партфель першакласніка".
Колькі трэба грошай, каб сабраць дзіця ў школу? Журналісты Tochka.by вывучылі асартымент і цэны на школьных кірмашах Мінска. Поўны гайд па якасці, кошце і стылі – тут.
