Цэны на шэраг тавараў у Беларусі падскочылі – чаму гэтага трэба было чакаць

У ліпені гадавая інфляцыя ў Беларусі склала 4,4% пасля 4,3% г/г у чэрвені. Яна засталася ніжэй устаноўленага на 2026 год гранічнага параметра 7%. Як змяніліся цэны на канкрэтныя катэгорыі, паведамілі ў макрааглядзе Еўразіскага банка развіцця (ЕАБР).

Прадуктовая інфляцыя запаволілася да 3,1% г/г у ліпені пасля 3,4% г/г у чэрвені. Нават на фоне меншага зніжэння цэн на сезонную плодаагароднінную прадукцыю: на 10,8% г/г пасля зніжэння на 11,5% г/г месяцам раней.

Разам з тым паскорыўся рост цэн на непрадуктовыя тавары – да 2,9% г/г пасля 2,2% г/г у чэрвені. У ЕАБР патлумачылі гэта скарачэннем пераліку тавараў, якія раней траплялі пад цэнавае рэгуляванне.

"Базавая інфляцыя склала 4,8% г/г у ліпені і захавалася на ўзроўні папярэдняга месяца, што паказвае на захоўванне ўмеранага цэнавага націску", – адзначаюць аналітыкі.

Чакаецца, што па выніках 2026 года інфляцыя захаваецца ніжэй за гранічны параметр Нацыянальнага банка.

Якія прадукты асабліва падаражэлі

Паводле звесткак Белстата, найбольш значны рост цэн у ліпені прыйшоўся на буракі. За месяц яны падаражэлі на 57,98%.

Значна прыбавіла ў цане і іншая агародніна. Морква стала даражэй на 19,91%, рэпчатая цыбуля – на 16,74%.

Таксама істотна змяніліся цэннікі на салодкі перац і авакада – плюс 14,13 і 12,43% адпаведна.

Апрача таго, даражэе і бульба. У ліпені яе вартасць падскочыла яшчэ на 9,87%, пасля таго як месяц таму цана ўзляцела адразу на 63%.

Разам з тым мацней за ўсіх у ліпені "здалі" свежыя памідоры – на 22,13%. Прычым таннеюць таматы ўжо другі месяц запар. У чэрвені цэннік апусціўся яшчэ на 4%.

Працягваюць таннець і агуркі. За ліпень яны сталі больш даступнымі на 19,25%, а ў папярэднім месяцы – амаль на трэць.