У Беларусі ацанілі валавы ўнутраны прадукт (ВУП) за першыя шэсць месяцаў 2026 года. Лічбы прыводзіць Белстат.
Сітуацыя I квартала года не радавала. Напрыклад, у лютым ВУП упаў на 1,2%. Эксперты звязвалі гэта с запаволеннем прамысловасці.
З красавіка аб'ёмы ВУП пачалі стабільна расці. На гэта паўплывала павелічэнне інвестыцыйнай актыўнасці, а таксама заканчэнне зімы.
Паводле падлікаў Белстата, цяпер аб'ём ВУП за паўгоддзя склаў 149,6 млрд, што ў параўнанні з аналагічным перыядам 2025-га больш на 1,5%.
У той жа час індэкс-дэфлятар ВУП (паказчык, які вызначае, як змяніўся агульны ўзровень цэн на ўсе вырабленыя ў краіне тавары) вырас на 13,3%.
Які ВУП чакаюць эксперты
Пазітыўныя тэндэнцыі ў эканоміцы Беларусі назіраюцца ўжо некалькі месяцаў. У адным з апошніх аглядаў аналітыкі Еўразійскага банка развіцця заявілі, што па выніках 2026 года ВУП Беларусі будзе на ўзроўні 1,3%.
Свой прагноз палепшыў і Сусветны банк. Там чакалі росту толькі на 0,8%, але пазней павялічылі паказчык да 1,3%, але знізілі яго да 1,1%.
У уладаў былі іншыя планы
Нягледзячы на цяперашняе становішча спраў, беларускі ўрад раней абвясціў аб штогадовым росце ВУП як мінімум на 3%.
Згодна з планамі, паказчык павінен павялічыцца на 15,8% за 2026-2030 гады, паведамляў кіраўнік урада Аляксандр Турчын.
"На фоне геапалітычнай нестабільнасці і запаволення тэмпаў сусветнай эканомікі чаканы рост нашай эканомікі складзе не менш за 3% у год", – заяўляў чыноўнік.
Аднак Турчын адзначаў, што гэтая задача з'яўляецца вельмі скаладанай. Для параўнання: рост ВУП за бягучую пяцігодку ацэньваецца на ўзроўні 7%.
У праграме па рэспубліканскім бюджэце на 2026–2028 гады рост ВУП Беларусі ў 2026-м чакаецца на 2,8%, у 2027-м – на 2,9%, а ў 2028-м – на 3%. У лічбах гэта выглядае як 322,4 млрд, 358,3 млрд і 394,1 млрд адпаведна.
