З’явіўся свежы рэйтынг бяспекі еўрапейскіх краін. Яго склаў даследчы цэнтр Numbeo, а апублікавала выданне Аdventourely.
Даследчыкі не проста ацэньвалі працу паліцыі, а цікавіліся, наколькі бяспечна людзі адчуваюць сябе ў сваіх краінах. Галоўнае пытанне: ці пайшлі б вы сам-насам на начную шпацыроўку?
Дзе ў спісе Беларусь
Высвятлілася, што самымі бяспечнымі краінамі Еўропы сталі Харватыя, Славенія, Ісландыя, Чарнагорыя і Эстонія. А вось замыкаюць рэйтынг Францыя, Бельгія, Вялікабрытанія, Ірландыя.
На пятым месцы з канца апынулася Беларусь з паказчыкам 42,87 балы са 100.
Такі расклад па краінам эксперты тлумачаць асцярогамі наконт гарадской злачыннасці, сацыяльнымі хваляваннямі або адсутнасцю праваахоўнікаў у патрэбных раёнах.
Беларусь на фоне суседзяў
Цікава, што Беларусь за год палепшыла сваю пазіцыю ажно на два пункты – раней яна была трэцяй з канца.
Расія, Латвія і Літва таксама знаходзяцца ў другой палове рэйтынгу. Польшча – бліжэй да верхняй дзясяткі. Украіну ў спіс не ўключылі.
