Авіякампанія Belavia пачала распродаж білетаў, паведамляецца на яе сайце.
Дзякуючы акцыі можна набыць квіткі па тарыфе "Прома" са зніжкай да 50% на ўсе прамыя рэгулярныя рэйсы з Мінска, Гомеля, Магілёва, Брэста і наадварот.
Скарыстацца спецыяльным квітком можна з 17 верасня 2026-га па 27 сакавіка 2027-га ўключна.
Таксама Belavia агучыла важныя дэталі:
- зніжка дзейнічае толькі на тарыф і не распаўсюджваецца на таксы і зборы
- такія білеты незваротныя, іх нельга здаць ці абмяняць на іншыя даты па ўмовах акцыі
-
на набытыя па тарыфе "Прома" квіткі не дзейнічаюць зніжкі для дзяцей ва ўзросце ад 2 да 12 гадоў.
Максімальны тэрмін знаходжання ў пункце прызначэння па маршруце "туды – назад" складае адзін месяц.
Авіякампанія звярнула ўвагу, што колькасць месцаў на рэйсе па тарыфе "Прома" абмежаваная.
Раней Tochka.by пісала, што Belavia і Red Wings прапанавалі пасажырам новыя магчымасці для падарожжаў па Расіі і Казахстане. Цяпер пасажыры беларускай авіякампаніі могуць набыць квіткі на прамыя рэйсы з Мінска ў Самару, Чэлябінск, Перм і назад. У той жа час фактычным перавозчыкам на гэтых напрамках выступае Red Wings.
Пра астатнія падрабязнасці можна даведацца ў гэтым матэрыяле.
