Паўнавартасную курортную зону створаць у Браслаўскім раёне, піша БелТА.
Пляжы, глэмпінг и зіплайн
База адпачынку "Золава", размешчаная ў лесе на беразе аднайменнага возера, стане паўнавартасным курортам, анансавала Паўлоўская.
На тэрыторыі базы ўжо адрамантавалі карпусы, якія будаваліся яшчэ ў 1997 годзе, дадаткова ўзвялі два новыя і пабудавалі новую кацельню.
Карпусы двухузроўневыя, на тэрасах шэзлонгі. Унутры максімальна функцыянальна і мінімалістычна. Студыя на першым паверсе ўключае гасціную, кухню і сталовую. Лесвіца вядзе на другі паверх, дзе знаходзяцца спальні.
Наступным этапам стане стварэнне інфраструктуры курорта. У планах – кафэ на 50 месцаў і зона глэмпінгу на беразе возера. У яе ўвойдуць пяць тэрасных домікаў, сауна і купель, якая падаграваецца.
Набярэжную таксама добраўпарадкуюць. Там з'явяцца пляж з басейнам, дзіцячая гульнявая зона і месца для бяспечнага купання зусім маленькіх адпачывальнікаў.
Для аматараў экстрыму плануецца пабудаваць канатны спуск праз возера, так званы зіплайн.
Дарэы, сетка санаторыяў у Беларусі можа істотна пашырыцца, пісала Tochka.by. Дзе іх могуць пабудаваць, расказаў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
