Іран плануе аднавіць прамыя авіярэйсы ў Беларусь, паведамляе агенцтва IRNA. У Тэгеране прайшла сустрэча пасла Беларусі Дзмітрыя Кальцова з прадстаўнікамі іранскага ўрада і турыстычнай галіны.
Краіны імкнуцца ператварыць палітычныя і эканамічныя сувязі ў канкрэтныя турыстычныя праекты.
Паводле інфармацыі агенцтва, Беларусь абвясціла аб выдачы ўсіх дазволаў на запуск прамых рэйсаў. Гэта дазваляе іранскім авіякампаніям аднавіць палёты па маршруце Тэгеран – Мінск.
Пасол Беларусі запрасіў іранскіх тураператараў на будучыя турыстычныя выставы ў Мінску.
Палётную праграму будуць арганізоўваць іранскія авіякампаніі. Пасля зняцця санкцый з Belavia палёты "боінгаў" у Іран усё роўна засталіся пад забаронай.
Паміж Мінскам і Тэгеранам ужо выконваліся прамыя авіярэйсы. У 2018 годзе іх прыпынілі па тэхнічных прычынах. У 2023-м была спроба аднавіць праграму, але ўсё абмежавалася адным палётам.
