Карацей кажучы
- Новы тарыф, які будзе дзейнічаць пры набыцці білетаў на некалькі міжнародных рэйсаў, з'явіўся ў адным з турыстычных сэрвісаў. Ён дазваляе набыць квіток за 0.
- Нягледзячы на тое, што праязны дакумент бясплатны, ён гарантуе асобнае месца.
- Скарыстацца новым тарыфам змогуць бацькі: за праезд дзяцей да 3 гадоў плаціць не давядзецца, а на дзіця да 12 гадоў прадугледжана зніжка.
Цяпер пасажыры некаторых міжнародных рэйсаў змогуць набыць незвычайны білет – ён бясплатны, расказалі ў прэс-службе сэрвісу "Атласбас".
Опцыя даступная не для ўсіх кліентаў, а бясплатны білет гарантуе асобнае месца.
Каму прызначаны бясплатны білет
На міжнародных рэйсах перавозчыкі самі вырашаюць, якія льготы прапанаваць сваім пасажырам.
"Некаторыя з іх гатовы перавозіць дзяцей да 3 гадоў бясплатна, але для гэтага перавозчык павінен загадзя ведаць, ці будуць яны на рэйсе. Бо незалежна ад узросту пасажыра яму неабходна прадаставіць асобнае месца", – адзначылі ў "Атласбас".
Таму цяпер у сэрвісе "Атласбас" бацькі могуць аформіць бясплатны білет для сваіх дзяцей.
Для гэтага трэба замест стандартнага выбраць "дзіцячы" тарыф. Тады малому падрыхтуюць асобнае бяплатнае месца ў салоне.
Для дзяцей ва ўзросце ад 4 да 12 гадоў даступны дзіцячы білет са зніжкай 50%.
Галоўнае, перад паездкай не забыць узяць з сабой дакументы, якія пацвярджаюць узрост дзіцяці.
Дзе працуе нулявы тарыф
Цяпер опцыя працуе толькі для некалькіх рэйсаў ад перавозчыкаў "ГрандАўто ПРО" і "ІП Эстрын":
-
Гомель – Бабруйск – Ашмяны – Вільня – Вільня Аэрапорт
-
Віцебск – Санкт-Пецярбург
-
Гомель – Масква
-
Гомель – Доўск – Магілёў – Санкт-Пецярбург
