Тым, хто прызвычаіўся браць працу з сабой у водпуск, хутка стане прасцей сумяшчаць прыемнае з карысным.
На Нарачы плануюць стварыць сучасны аздараўленчы курорт з камфортнай працоўнай прасторай, піша Domovita.
Праект атрымаў назву Naroch Balance Resort. Ён перамог у творчым конкурсе Федэрацыі прафсаюзаў Беларусі. Яго аўтары – выпускнікі БНТУ, якія прапанавалі пераасэнсаваць звыклы фармат санаторнага адпачынку.
У чым фішка
Галоўная ідэя праекта – зрабіць адпачынак больш сучасным. Аўтары канцэпцыі вырашылі адмовіцца ад звыклага ўяўлення пра санаторый як пра месца, дзе ўсё зводзіцца да працэдур і размеркаванага парадку дня.
Замест гэтага яны прапанавалі стварыць прастору, дзе можна не толькі аднавіць сілы, але і камфортна папрацаваць на прыродзе. Такая патрэба ўсё часцей сустракаецца сярод моладзі.
Для гэтага ў курортным комплексе плануюць абсталяваць паўнавартасны каворкінг са стабільным хуткасным інтэрнэтам.
Таксама тут хочуць зрабіць гульнявыя зоны для дзяцей, каб сюды можна было прыязджаць усёй сям'ёй.
Дзе пабудуюць
Рэалізаваць праект плануюць на тэрыторыі аздараўленчага цэнтра "Нарачанка", які збіраюцца рэканструяваць.
Прычым гэта не адзінае месца, якое чакае абнаўленне. Федэрацыя прафсаюзаў паступова абнаўляе ўсю сваю сетку, а сёння гэта 12 санаторыяў, восем гасцініц і столькі ж турыстычных баз.
