З 13 кастрычніка 2026 года ў Турцыі змяняюцца правілы наведвання шэрагу гістарычных славутасцей, піша "Турпрам".
Паводле інфармацыі Упраўлення нацыянальных палацаў Турцыі, з 13 кастрычніка 2026 года ў 14 ключавых гістарычных аб'ектах краіны ўводзіцца зімовы расклад. Яны будуць закрывацца роўна ў 17:00.
У спіс аб'ектаў, дзе скарачаецца час працы кас, увайшлі галоўныя славутасці Стамбула і Анкары: палацы Тапкапы, Далмабахчэ, Йылдыз і Бейлербеі.
Акрамя таго, новыя правілы тычацца Музея жывапісу нацыянальных палацаў, Музея палацавых калекцый, палаца Анкара, Музея ісламскіх цывілізацый, а таксама папулярных загарадных павільёнаў і касраў – Іхламур, Маслак, Айналыкавак, Кючюксу, Музея хрусталю і шкла ў Бейкозе.
Адміністрацыі аб'ектаў заклікаюць турыстаў перабудоўваць лагістыку экскурсій, паколькі пасля 17:00 уваход на тэрыторыю знакамітых музеяў будзе закрыты.
Міністэрства культуры і турызму Турцыі таксама пераглядзела кошт за ўваходныя білеты для замежных грамадзян у еўра. Вось новыя цэны на некаторыя славутасці:
- музейны комплекс палаца Тапкапы і Гарэм (Стамбул) – каля €38–40
- палац Далмабахчэ (Стамбул) – каля €28–30
- геатэрмальныя крыніцы Памуккале і Іерапаліс (правінцыя Дэнізлі) – €30
- старажытны горад Эфес (правінцыя Ізмір) – €40
- сабор Святой Сафіі (Стамбул) – €25
Паводле даных Нацыянальнага статыстычнага камітэта Беларусі, у 2025 годзе за мяжу было здзейснена 4,7 млн паездак. Арганізаванымі турамі скарысталіся 736,4 тыс. чалавек, якія наведалі 120 краін.
Часцей за ўсё беларусы ездзілі ў пяць краін: Расія (1,629 млн), Турцыя (1,625 млн), Егіпет (1,128 млн), ААЭ (781 тыс.) і Грузія (460 тыс.).
І паколькі Турцыя ўпэўнена займае другое месца па папулярнасці сярод беларускіх турыстаў.
Таму падарожнікам варта ўлічыць гэтую інфармацыю пры планаванні паездак.