Дзяржаўны акадэмічны цэнтральны тэатр лялек імя С.У.Абразцова пакажа спектакль у Нацакадэмтэатры імя Я.Купалы. Пра гэта паведамляе БелТА.
Гастролі маскоўскага калектыву пройдуць 9 і 10 кастрычніка.
Што за спектакль
Гледачы ўбачаць легендарны "Незвычайны канцэрт" – касмічнае лялечнае рэвю.
На сцэне лялькі спарадзіруюць артыстаў розных жанраў. Сярод іх спевакі, танцоры, музыканты, дрэсіроўшчыкі і фокуснікі пад кіраўніцтвам канферансье Эдуарда Апломбава.
Сяргей Абразцоў і Сямён Самадур паставілі гэты спектакль у Маскве ў 1946 годзе.
Ён стаў самым знакамітым у свеце рускім лялечным паказам ХХ стагоддзя. Таксама спектакль аб'ехаў больш як 40 краін і ўвайшоў у Кнігу рэкордаў Гінеса як пастаноўка, якую пабачыла самая вялікая колькасць гледачоў у свеце.
Сёлета ў маскоўскага тэатра – юбілей, і пастаноўку ў год яго 95-годдзя ўпершыню пакажуць на Купалаўскай сцэне.
Беларусы змогуць стаць артыстамі
Не толькі адчуць мастацтва, але і паспрабаваць сябе ў ролі артыстаў оперы і балета змогуць беларусы ўсіх узростаў.
У Вялікім тэатры 18 кастрычніка дарослыя і дзеці, у тым ліку самыя маленькія, атрымаюць магчымасць прыняць удзел у майстар-класах, якія раскрываюць творчы працэс знутры.
Напрыклад, паназіраць за працай грымёра, які ператварае актрысу, дапусцім, у Снежную каралеву. Ці паспрабаваць сябе ў прафесіі тэатральнага мастака на ўроку майстэрства ад сцэнографа тэатра.
А што можна будзе зрабіць яшчэ, паведамілі ў гэтым матэрыяле.