Знакамітае палатно Марка Шагала з калекцыі Траццякоўскай галерэі ўпершыню прывязуць на радзіму мастака, паведамляе прэс-служба Міністэрства культуры.
Паказ карціны ў Беларусі стаў вынікам працяглых перагавораў беларускага Мінкульта і галоўнага расійскага музея.
"Палёт над Віцебскам"
Гаворка ідзе пра візітную картку мастака – карціну "Над горадам". Марк і Бэла зноў будуць лунаць над родным горадам.
Убачыць шэдэўр Шагала можна будзе ў Мастацкім музеі Віцебска. Першы паказ палатна адбудзецца 16 ліпеня – у дзень адкрыцця "Славянскага базару". Часовая экспазіцыя працягнецца два месяцы, паведамляе Мінкульт.
Видео: https://t.co/SK897KbZS7 pic.twitter.com/dAvhL5ss6M
— Фото/Видео (@FotoVid81878667) July 7, 2026
Пра магчымую пралангацыю паказу казаць пакуль заўчасна, але нагадаем, што экспанаванне шагалаўскай "Прагулкі" ў Нацыянальным мастацкім музеі працягнулі да кастрычніка.
"Сёмае неба"
Карціна "Над горадам" – гэта трэцяе палатно з легендарнага трыпціха пра каханне, прысвечанага музе і жонцы мастака Бэле Розенфельд. Трыпціх уключае тры культавыя палотны: "Падвойны партрэт", "Прагулку" і "Над горадам".
"Над горадам" адлюстроўвае дзве любові Шагала – Бэлу і Віцебск. Мастак і яго жонка, якія лунаюць над горадам, сімвалізуюць тое самае "на сёмым небе ад шчасця".
Карціна была напісана ў 1918 годзе ў Віцебску. У 1920-м у аўтара яе набыў французскі калекцыянер. З 1930-га шэдэўр стаў часткай пастаяннай калекцыі Траццякоўскай галерэі. У 2026 годзе Марк і Бэла хоць і часова, але вяртаюцца ў Віцебск.
Беларуская спадчына
Карціны ўраджэнцаў Беларусі Шагала, Суціна і Малевіча былі прададзены на аўкцыёне ў Лондане. Там адбыліся таргі аўкцыённага дома Sotheby's, на якіх была выстаўлена калекцыя брытанскага бізнесмена і ўладальніка футбольнага клуба "Тотэнхэм Хотспур" Джо Льюіса.
Пры ацэначным кошце $268 млн прадметы мастацтва з яе былі прададзены за $392,6 млн.
Падчас правядзення аўкцыёну прадалі работу Марка Шагала "Закаханыя ў Вансе" 1957 года. Першапачаткова твор мастака ацанілі ў $4 млн. Новы ўладальнік аддаў за яго $4,3 млн.
Карціну "Партрэт хлопчыка ў сінім" Хаіма Суціна 1928 года аўкцыённы дом ацэньваў у $2,4-3,3 млн. Лот пайшоў з малатка за $3,1 млн.
Больш за ўсё падняўся кошт работы Казіміра Малевіча "Галава селяніна". Рэдкую мастацкую гуаш перыяду прымітывізму ацэньвалі ў $2-2,67 млн, а прадалі за $3,9 млн.
