У беларускім горадзе адбудзецца фестываль, прысвечаны выцінанцы: куды ехаць

З 21 па 23 жніўня ў Навагрудку другі раз пройдзе рэспубліканскі фестываль "Выцінанка-выбіванка. Ажурны код Навагрудка", паведамляе Нацыянальнае агенцтва па турызму.

Падчас івенту ў цэнтральнай частцы горада (на перасячэнні маршрутаў да помніка Адаму Міцкевічу, назіральнай пляцоўцы і руін Навагрудскага замка) стане працаваць інфармацыйна-інтэрактыўная пляцоўка, дзе можна будзе пазнаёміцца з турыстычным патэнцыялам Навагрудскага раёна.

"Жадаючыя могуць прыняць удзел у квізе на веданне гісторыі Навагрудчыны і мастацтва выцінанкі, а таксама ў майстар-класах па майстэрстве выцінанкі-выбіванкі, якія будуць арганізаваныя на стэндзе Нацыянальнага агенцтва па турызму", – гаворыцца ў паведамленні.

Фестываль ладзяць, каб прадставіць унікальную тэхніку дэкаратыўна-прыкладной творчасці, якая ўключана ў Дзяржаўны спiс гiсторыка-культурных каштоўнасцей Рэспублiкi Беларусь як элемент нематэрыяльнай культурнай спадчыны.

Што яшчэ прапануюць

Таксама гасцей чакаюць гастранамічныя сюрпрызы.

Напрыклад, 21 жніўня Уселюбскі касцёл Святога Казіміра прэзентуе і прапануе пакаштаваць хлеб уласнай вытворчасці.

А 22 жніўня свае сыры прадставіць аграэкасядзіба "Сырная фазэнда", якая славіцца ўласнай міні-сыраварняй і гастранамічнымі турамі.

Нацыянальнае агенцтва па турызму ўпэўнівае, што падчас фестывалю будзе "цікава, смачна і пазнавальна".