Музей-сядзіба Міцкевічаў "Завоссе" зноў заклікае тых, хто хоча правесці выхадныя не ў гарадскім шуме, а ў цішыні вёскі.
Арганізатары падрыхтавалі насычаную праграму: экскурсіі па музейнай сядзібе, канцэрты і музычныя выступленні, сустрэчы з літаратарамі і лекцыі, майстар-класы і інтэрактыўныя пляцоўкі, квэсты і гульні, рамесніцкі кірмаш, фотазоны і пункты харчавання.
Аснову музейнай экспазіцыі складаюць вобразы і матывы паэмы "Пан Тадэвуш". Таму наведвальнікі змогуць літаральна апынуцца ў шляхецкім двары другой паловы XVIII стагоддзя.
Дзе: в. Завоссе, Баранавіцкі раён, Брэсцкая вобласць
Калі: 26 верасня, з 12:00 да 16:00
Уваход: вольны
А калі не ведаеце, што рабіць у выхадныя, прапануем паглядзець нашу традыцыйную падборку цікавых мерапрыемстваў. Нешта для сябе вы дакладна знойдзеце.
