Чарговыя вучэбныя зборы тэрытарыяльных войскаў арганізавалі ў Віцебскай вобласці. А дакладней у Лепельскім і Чашніцкім раёнах, паведамілі ў Telegram-канале Мінабароны.
У межах гэтых збораў з 31 мая па 2 чэрвеня пройдзе камандна-штабное вучэнне. На ім афіцэры ўдасканаляць свае навыкі па кіраўніцтве сіламі тэрабароны.
Таксама асабовы склад навучаць зладжаным дзеянням пры вырашэнні задач тэрытарыяльнай абароны.
У прэс-службе ведамства адзначылі, што асаблівая ўвага будзе надавацца зладжванню байцоў.
А менавіта прымяненню тэрытарыяльных войскаў сумесна з органамі ўнутраных спраў і атрадамі народнага апалчэння падчас забеспячэння ваеннага становішча і барацьбы з дыверсійнымі групамі праціўніка.
Раней стала вядома, што ў войскаў тэрытарыяльнай абароны Беларусі з'явіцца свой цэнтр падрыхтоўкі. Пра гэта заявіў міністр абароны Віктар Хрэнін, паведамляла Tochka.by.
