Доўгачаканая падзея нарэшце адбылася – у Беларусі афіцыйна пачалася лічбавая трансфармацыя лістоў непрацаздольнасці і афармлення дапамог па цяжарнасці і родах.
Аляксандр Лукашэнка падпісаў указ №345 "Аб пытаннях дзяржаўнага сацыяльнага страхавання", паведамляе прэс-служба кіраўніка дзяржавы.
Дакумент пераводзіць у лічбавы фармат афармленне дапамог па часовай непрацаздольнасці, цяжарнасці і родах, гаворыцца ў паведамленні.
Лічбавізацыя лістоў непрацаздольнасці будзе ўкараняцца паэтапна. Папяровыя бланкі на працягу пераходнага перыяду не выйдуць з абароту і працягнуць выкарыстоўвацца нароўні з электроннымі.
Як лічба робіць жыццё прасцей
Па словах дырэктара РНПЦ медыцынскіх тэхналогій, інфарматызацыі, кіравання і эканомікі аховы здароўя Аляксея Шчарбінскага, лічбавыя дакументы выключаць непатрэбныя дзеянні з боку пацыента і медыцынскіх работнікаў.
У сістэме будзе адзначацца факт завяршэння хваробы. Аўтаматычна пацыент атрымае накіраванні ва ўсе патрэбныя структуры.
