Беларусь будуе новы лагістычны мост у Заходнюю Афрыку. Дзяржаўным аператарам мультымадальнага маршруту ў Гану стаў "Белтаможсэрвіс", паведамляе прэс-служба арганізацыі.
Беларускія тавары будуць дастаўляцца ў галоўныя марскія вароты Ганы – парты Акра (Тэма) і Такарадзі.
Як будуць дастаўляць грузы
Лагістычны хаб у Гане з'яўляецца для Беларусі ўваходнымі варотамі на рынкі краін Заходняй Афрыкі.
Улічваючы адлегласць паміж дзяржавамі, транспарціроўка грузаў будзе ісці па даволі складанай схеме, якая ўключае чыгуначныя дарогі, аўтатранспарт і марскія судны.
Па чыгунцы і аўтатранспартам груз з Калядзічаў даставяць у парты Літвы, Латвіі або Расіі. Затым па моры – у Гану.
Пры гэтым "Белтаможсэрвіс" бярэ на сябе кіраванне ўсім лагістычным ланцужком – ад падбору транзітнага порта ў залежнасці ад тыпу груза і сітуацыі на мяжы да поўнага дэкларавання ў Беларусі і суправаджэння знешнеэканамічных здзелак.
