Залатых узнагарод заваяваць не атрымалася.
Беларусы завяршылі выступленне на чэмпіянаце Еўропы па плаванні сярод спартсменаў з абмежаванымі магчымасцямі.
Пра гэта паведамілі БелТА ў прэс-службе Міністэрства спорту і турызму.
У заключны дзень кантынентальнага форуму Яўген Кавалёнак заваяваў бронзу на дыстанцыі 400 м вольным стылем у класе S13 (атлеты з парушэннямі зроку).
А Ягор Шчалканаў стаў трэцім у фінале на 100-метроўцы на спіне ў класе S9 (атлеты з паражэннем апорна-рухальнага апарату).
Усяго за пяць дзён беларускія паралімпійцы заваявалі адзін сярэбраны і шэсць бронзавых медалёў чэмпіянату Еўропы.
А ў другі дзень спаборніцтваў Настасся Зудзілава таксама прынесла бронзу на дыстанцыі на 100 м брасам у класе SB13 (сярод атлетаў з парушэннямі зроку).
