У Паднябеснай шматразовыя кубкі для кавы паступова становяцца часткай экалагічнага ладу жыцця, піша "Звязда" са спасылкай на "«Жэньмінь жыбаа» анлайн".
Масавая падтрымка ініцыятывы
Многія кававыя сеткі прапануюць зніжку на ¥2–8 тым, хто прыходзіць са сваім посудам.
Такія меры дазваляюць скараціць выкіды CO2 прыкладна на 40 г. А за год гэта эквівалентна пасадцы аднаго дрэва.
"У гарадах-мільённіках, асабліва ў Шанхаі, такая практыка стала трэндам сярод моладзі. У сацсетках карыстальнікі дзеляцца фатаграфіямі сваіх кубкаў і зялёнымі чэкамі. Гэта практыка ўжо выйшла за рамкі кавярняў: да яе далучаюцца сеткі хуткага харчавання і кандытарскія, а таксама ўсё больш людзей адмаўляюцца ад пластыкавых пакетаў і аднаразовых сталовых прыбораў", – паведамляе сайт кітайскай газеты.
Паводле даных анлайн-платформаў, ужо звыш 17 тыс. устаноў па ўсім Кітаі падтрымліваюць тых, хто прыходзіць са сваім кубкам. Пры гэтым больш за 2,2 тыс. з іх знаходзяцца ў Шанхаі.
Штогод у свеце спажываецца каля 500 млрд аднаразовых папяровых кубачкаў. Значная іх частка трапляе ў навакольнае асяроддзе, дзе распадаецца на мікрапластык. Гэта стварае доўгатэрміновую пагрозу для вадаёмаў, глебы і здароўя людзей.
