У апошні час у Беларусі пералік пенсій праводзяць двойчы на год, піша Myfin. Тое, што такую практыку захаваюць і ў 2026-м, адзначалі прадстаўнікі ўлады – напрыклад, член Савета Рэспублікі Тамара Красоўская і намеснік прэм'ер-міністра Наталля Пяткевіч.
Паводле звестак Міністэрства працы, памер працоўных пенсій змяняюць у сувязі з ростам сярэдняга заробку работнікаў у рэспубліцы па ўказу прэзідэнта не радзей за адзін раз на год у межах сродкаў дзяржаўнага пазабюджэтнага фонду сацыяльнай абароны насельніцтва.
Так, у 2025-м выплаты павышалі з 1 лютага і 1 верасня. У 2024 годзе другое павышэнне адбылося з 1 кастрычніка.
Калі планы ўладаў наконт другога пераліку пенсій у 2026-м не зменяцца, то, маючы на ўвазе вопыт мінулых гадоў, другога павышэння можна чакаць увосень.
Пры гэтым пералік мінімальных працоўных і сацыяльных пенсій, надбавак і павышэнняў да пенсій, даплат да пенсій асобам, старэйшым за 75 гадоў, адбываецца часцей. Гэта залежыць ад змены бюджэту пражытачнага мінімуму.
Гэты паказчык у Беларусі мяняецца 4 разы на год: з 1 лютага, 1 мая, 1 жніўня і 1 лістапада.
