Звычайны кубак капучына ў Беларусі прыносіць не так ужо шмат грошай. Хоць, здавалася б, напітак з кавы, малака і вады не можа сам па сабе каштаваць вельмі дорага. З чаго складваюцца расходы на яго, паказалі ў інфаграфіцы sb.by.
У якасці ролевай мадэлі ўзялі максімальна тыповую ўстанову – прыватную кавярню ў спальным раёне Мінска. У буднія яна працуе з 08:00 да 22:00, у выхадныя – з 09:00 да 21:00.
Для прыкладу таксама быў выбраны стандартны напітак – капучына аб'ёмам 200 мл у аднаразовым стаканчыку за 7.
Колькі ж каштуе капучына?
Кошт кубка кавы складваецца з мноства расходаў. Больш за ўсё ад сумы – 24% – сыходзіць на зарплату барыста і выплаты ў ФСАН. Затым 11% забірае арэнда памяшкання. Яшчэ 8% спатрэбіцца на адлічэнні на карысць дзяржавы.
Сама кава каштуе каля 8,3% ад агульнай сумы. Гэты працэнт можа змяняцца ў залежнасці ад вагання цэн на яе на сусветных рынках.
На амартызацыю і абслугоўванне абсталяванне ідзе 7%, на малако – 6,7%, камунальныя расходы – 6%, адміністрацыйныя расходы – 5%, фірменны стакан – 5%. І не забываем пра іншыя расходы – 3%, а таксама эквайрынг – 2%.
Усяго са стаканчыка капучына за 7 уладальнік атрымлівае толькі 14% чыстага прыбытку кавярні. Гэта прыблізна 1.
Паводле даных Белстата, у Беларусі на канец 2025 года працавалі 1362 кавярні, з якіх 740 знаходзіліся ў Мінску. За 2 гады іх колькасць па краіне вырасла на 257 устаноў, з іх 157 прыйшлося на сталіцу.
