Новае правіла для ўладальнікаў прыватных дамоў і дач зафіксавана ў новай рэдакцыі Воднага кодэкса, якая набудзе моц з 1 студзеня 2027 года. Яно тычыцца ўсіх, у каго няма падключэння да цэнтральнай каналізацыі, піша "Камсамольская праўда ў Беларусі" са спасылкай на Расонскі райвыканкам.
Гаворка пра сцёкавыя воды – іх скід за межы зямельнага ўчастка будзе забаронены новым кодэксам.
Сліваць ваду з септыкаў, летніх душавых, лазняў, кухняў на суседнюю тэрыторыю або ў кюветы будзе нельга.
Уся вада пасля выкарыстання ў гаспадарцы павінна заставацца на ўчастку і праходзіць ачыстку.
Для гэтага ўладальнікам дома давядзецца прадугледзець лакальныя ачышчальныя збудаванні: герметычныя септыкі, палі падземнай фільтрацыі, калодзежы і траншэі, якія фільтруюць.
Ачышчаную такім чынам ваду ўжо можна будзе скідваць у адпаведнасці з праектнай дакументацыяй і экалагічнымі нормамі.
Ці пусцяць мясцовых да платнага вадаёму
Адна з нормаў у новай рэдакцыі Воднага кодэкса тычыцца адносін паміж людзьмі і бізнесам.
Усе, хто жадае пачаць рэкрэацыйную справу ў Беларусі могуць узяць у арэнду возера або частку ракі. Выбраць можна са спісу Мінпрыроды. Пасля гэтага трэба добраўпарадкаваць тэрыторыю і запусціць рыбу.
І самае важнае правіла – мясцовым жыхарам адпачываць каля такіх вадаёмаў можна бясплатна. Паводле слоў старшыні пастаяннай камісіі Палаты прадстаўнікоў Жанны Чарняўскай, гэтая норма – калі арандатары не маюць права перашкаджаць насельніцтву карыстацца вадаёмамі – якраз і з'явілася са зваротаў грамадзян.
Таксама змены Воднага кодэкса Беларусі закрануць размяшчэнне на прысядзібных участках сажалак. Цяпер можна будзе выкапаць толькі адзін вадаём. Калі да ўнясення змен у закон іх было два, другі можна пакінуць.
