На поўдні Беларусі хваляцца небывалымі ўраджаямі клубніц. Як гэтага ўдалося дасягнуць, расказалі фермеры ў эфіры СТБ.
Выдатна ідуць справы ў гаспадарках Брэсцкай вобласці. За ягадай асаблівы догляд: клубніцы накрываюць на ноч, старанна абараняюць ад хвароб і строга кантралююць вільготнасць.
"Калі параўноўваць, у нас у краіне і тут, яны адрозніваюцца па памеры, па смаку. Тут больш салодкая, чым у нас. Змяшчае шмат вітамінаў. Вітаміну C, B, D і асабліва шмат жалеза", – расказвае фермер Азіз Разыкулыеў.
Перад адпраўкай на прылаўкі кожная партыя праходзіць строгі адбор – ідэальнай лічыцца ягада з роўнай афарбоўкай.
Сезон ягад у самым разгары. Паводле слоў уладальніка асабістай падсобнай гаспадаркі Аляксандра Друшчыца, ён сабраў толькі 60% ураджаю. Цяпер чакае самы позні гатунак, яго трэба абараніць ад шкоднікаў.
Фермеры выкідваюць клубніцы
Пакуль мінчане стаяць у велізарных чэргах за клубніцамі, у Брэсцкай вобласці ягады проста выкідваюць. Менавіта так зрабіў мясцовы фермер і выклаў відэа ў TikTok.
Мужчына з мікрааўтобуса выкінуў больш за пяць скрынь, у якіх былі дзясяткі латкоў з ягадамі. Мяркуючы па фота, яны даволі вялікія. Беларус не суправадзіў ролік каментарамі, таму людзі пачалі дадумваць самі.
Цэны на клубніцы абваліліся
Тым часам у Мінску на Камароўцы прылаўкі завалены беларускімі клубніцамі. Цешыць і тое, што кошт на ягады ўжо моцна ўпаў.
Нашыя клубніцы каштуюць усяго ад 5,9 за 1 кг. На Камароўцы шмат прапаноў да 10, ёсць і самая прыгожая ягада – па 15. Дарэчы, першыя беларускія ягады ў маі каштавалі на рынку неверагодныя 40 за 1 кг.
