На рынку сталічнай нерухомасці з'явіўся зусім не звычайны варыянт. Прадаецца кватэра, у якой жыў лётчык-штурмавік, генерал-лейтэнант авіяцыі і двойчы Герой Савецкага Саюза Леанід Бяда.
Што за дом
Леанід Бяда жыў у дзевяціпавярхоўцы на вул. Я.Купалы, 7. Дом пабудавалі яшчэ ў 1969 годзе, і па савецкіх мерках ён лічыўся элітным.
Кватэры тут атрымлівалі пісьменнікі, дзяржаўныя дзеячы, ваенныя і ветэраны. Сёння тут ёсць мемарыяльныя дошкі на фасадзе, якія нагадваюць пра знакамітых жыхароў.
Кватэра легендарнага лётчыка знаходзіцца на пятым паверсе. Плошча жылля вялікая – 101,3 м2.
Што ўнутры
Першапачаткова ў кватэры былі чатыры пакоі, дзве зашклёныя лоджыі, балкон і два санвузлы. Пазней жыллё перапланавалі: пакояў засталося тры, а каля акна ў канцы калідора з'явілася сталовая.
Апартаменты прадаюцца з гатовай апрацоўкай, мэбляй і тэхнікай. На падлозе – натуральная дошка і плітка, усталяваныя італьянскія дзверы і нямецкія вокны.
На кухні застаецца гарнітур з убудаванай тэхнікай, а ў спальнях – мэбля. Таксама ў кватэры ёсць два сучасныя санвузлы і кандыцыянер.
Колькі каштуе
Цана жылля – амаль 1 000 000. За яго просяць 999 000. Па цяперашнім курсе Нацбанка гэта каля $334 000.
