У Мядзелі вырасцілі перцы-гіганты – як так атрымалася

У агародзе ветэрана педагагічнай працы Тэрэзы Лаздоўскай выраслі велізарныя перцы, піша "Нарачанская зара".

Аднак сама жанчына сцвярджае, што з імі працуе яе дачка Святлана, і адмаўляе сваё дачыненне да з'яўлення прадстаўнікоў сямейства паслёнавых.

"Кожны год іх вырошчвае, аднак такія гіганты вымахалі ўпершыню. Магчыма, у кагосьці яшчэ больш выраслі, але гэтыя таксама заслугоўваюць увагі", – упэўнена Тэрэза Валяр'янаўна.

Яна дадала, што сярэдняя маса плода складае 450 г. А самы вялікі завесіў пад 470 г. Хоць на пакеціках з насеннямі ўказваліся 200–240 г.

Святлана вырошчвае два сарты – "каліфарнійскі цуд" і "баярыня F1".

Першы ветэран педагагічнай працы ведае мінімум 20 гадоў, калі не 30.

Насенне было ўласным.

Цуд прыроды

Паводле слоў Тэрэзы Валяр'янаўны, перцы пасеялі прыкладна 15 лютага.

"Расада спачатку была ў мяне на вокнах, потым перанеслі да дачкі. Паколькі яна жыве ў кватэры, там вокны большыя, падаконнікі шырэйшыя і батарэі заўсёды цёплыя. Далей перанеслі ў цяпліцу. А затым высадзілі на градку. Спачатку накрывалі, а пасля пакінулі ў адкрытым грунце, дзе яны застаюцца і цяпер. І вось ужо цэлы месяц мы са сваімі перцамі", – сцвярджае яна.

І дадае, што градка ў яе вялікая – каля 70 раслін.

Можа падацца, што гэты поспех звязаны з надвор'ем.

Аднак умовы для вырошчвання, паводле слоў вопытнага біёлага, былі складанымі. Агарод знаходзіцца ў нізіне, практычна ў забалочаным месцы. З-за вялікай вільготнасці пацярпелі іншыя культуры.

Таму Тэрэза Валяр'янаўна не можа патлумачыць, чаму з'явіліся такія гіганты. Магчыма, цуд прыроды!