Уладальнікі хатніх жывёлаў ведаюць, наколькі дарагім можа быць наведванне ветклінікі, асабліва – экстраннае або ноччу, калі прайс вырасце ледзь не ў два разы.
У Беларусі тарыфы на ветэрынарныя паслугі застаюцца свабоднымі і фарміруюцца рынкам. Ды і сам від дзейнасці ніяк не ліцэнзуецца – па-сутнасці, адкрыць ветлячэбніцу можа нават чалавек, далёкі ад гэтай сферы.
Нядаўна ўлады паклапаціліся, каб вярнуць кантроль над ветклінікамі. Законапрект ужо распрацоўваецца. Праўда, пытанне аб рэгуляванні цэнаў пакуль вісіць у паветры – планаў па распрацоўцы гранічных максімальных тарыфаў няма.
Tochka.by вывучыла кошт на некаторыя ветпаслугі ў сённяшніх рэаліях. Спойлер: дорага, вельмі дорага.
Прыём ветэрынара – не менш за 35
Толькі ў Мінску дзейнічае больш за 90 ветклінік – дзяржаўных і прыватных.
Многія не хаваюць прэйскурант, але прадбачліва пазначаюць кошт паслугі "ад" без канчатковага "да". Уладальніку гадаванца трэба быць гатовым да таго, што ў выніковым чэку асобным радком дададуцца расходныя матэрыялы і наркоз, а яшчэ могуць спатрэбіцца дадатковыя аналізы, УЗД і кансультацыі.
Пачнем з базавага – першаснага прыёма ў ветлекара. Тут сярэдні прайс блізіцца да 50.
Напрыклад, у клініцы "Галоўнае – хвост" такі прыём каштуе 54. Столькі ж – у "АйбіВет". А кансультацыя вузкіх спецыялістаў (кардыёлаг, дэрматолаг, афтальмолаг, анколаг, гінеколаг) тут абыйдзецца ў 61.
Ветцэнтр "ЗялёныяВетЛініі" за візіт да тэрапеўта просіць 40, да кардыёлага – 50. У клініцы "Дзевяць жыццяў" усе прыёмы ў спецыялістаў каштуюць 59.
А ў сетцы ветклінік "Доктар Вет" паслугі падзеленыя на некалькі відаў. За звычайны прыём патрэбна будзе заплаціць 50 (ёсць ветурачы з катэгорыяй вышэй, у іх прайс пачынаецца ад 75). Вузкія спецыялісты тут прымаюць за 65.
Знайшлі варыянты танней: у "ВетМедЦэнтры" – за 40, у ветэрынарным цэнтры доктара Базылеўскага – першасны прыём за 35, у вузкага спецыяліста 35–45.
Ноччу – цэны х2
Клінік, якія гатовыя працаваць кругласутачна, у сталіцы не так і шмат. Калі гадаванцу спатрэбіцца неадкладная дапамога ноччу, будзьце гатовыя да таго, што цэннік павялічыцца ледзь не ў два разы.
Да прыкладу, у "Доктар Вет" прыём з 21:00 да 9:00 будзе каштаваць 90 замест звычайных 50, у вузкага спецыяліста – 117 (днём 65).
Прайс на аперацыі і дадатковыя абследаванні таксама павялічваецца ў сярэднім у 1,5-1,8 разы.
На сайце ветцэнтра доктара Базылеўскага таксама пазначана, што з 21:00 да 9:00 на цэны ўсіх платных ветэрынарных паслуг дзейнічае павышаны начны каэфіцыент х1,8.
Кругласутачна працуе таксама клініка "Дзевяць жыццяў". Тут прыём ветлекара ў начныя гадзіны абыйдзецца ў 118 (замест 59).
На частку паслуг захоўваецца дзённы прайс (аналізы, дыягностыка, паслугі стацыянара, расходнікі), на іншыя ўсталяваны павышаны каэфіцыент х1,7.
Кастрацыя і стэрылізацыя
Клініка "Галоўнае – хвост" праводзіць кастрацыю і стэрылізацыю са стартавым цэннікам ад 250, і гэта без уліку папярэдняга абследавання. У ветклініцы ўдакладнілі: у сярэднім за стэрылізацыю сабакі да 10 кг прыйдзецца аддаць каля 500 (у гэтую суму ўваходзяць наркоз, лекі, агляд урача, пасляаперацыйнае назіранне і папона).
А калі ўладальнік жывёлы захоча правесці гадаванцу дадатковыя абследаванні (аналіз крыві і УЗД сэрца), трэба рыхтаваць яшчэ 200.
У "АйбіВет" стэрылізаваць котку абыйдзецца ў суму ад 358, сабаку – ад 220. Кастрыраваць ката і сабаку – ад 220 і 140 адпаведна. У кошт ужо ўваходзяць расходныя матэрыялы.
У "Доктор Вет" стэрылізацыя і кастрацыя ката каштуе ад 61, сабакі – ад 95. А ў ветцэнтры доктара Базылеўскага прайс на гэтыя паслугі пачынаецца ад 40, але тут не ўключаны ў кошт расходнікі, наркоз і лекі. У "Альфа-Вет" – ад 93 за кастрацыю і ката, і сабакі.
У клініцы "Здаровы гадаванец" на момант напісання матэрыяла дзейнічала акцыя на дадзены від паслуг: кастрацыя ката – 120, стэрылізацыя котак – 220.
Для сабак цэны стартуюць ад 180 і 220 адпаведна. У кошт уключаныя ўсе расходныя матэрыялы. Але звычайна цана тут значна вышэй.
Экстраная дапамога? Рыхтуйцеся да оверпрайса
Гэты накірунак – адзін з самых дарагіх ва ўсіх ветэрынарных клініках.
Так. "Галоўнае – хвост" аказвае і траўматалагічную, і хірургічную дапамогу. Напрыклад, за ўпраўленне вывіху ці пералому прыйдзецца аддаць больш за 95, калі спатрэбіцца налажэнне шыны – яшчэ 49. Выманне спіцаў – ад 70.
Дастаць іншароднае цела з поласці рота тут каштуе ад 70, ускрыццё абсцэсу – 55, а выдаленне ўрослага кіпцюра – 40.
У "АйбіВет" першасны прыём хірурга абыйдзецца ў 61. А лячэнне вывіхаў, пераломаў, разрываў звязкаў, правядзенне хірургічных аперацый і падобнае можа стартаваць ад 330 і даходзіць да 900, у залежнасці ад жывёлы і характара траўмы.
У "Доктор Вет" цэннікі ў вобласці артапедыі і хірургіі пачынаюцца ад 220 і даходзяць да 1150 (напрыклад, пры разрыве крыжападобнай звязкі ў каленным суставе ў вялікага сабакі). Усе цэны прыводзяцца без уліку кошту наркоза і расходнікаў, а таксама дадатковых даследаванняў.
Паводле водгукаў і прэйскурантаў у адкрытым доступе, адной з самых дарагіх клінік у Беларусі з’яўляецца "Сас Энімал Сервіс". Праўда, адзначаецца, што такія кошты ў многім з-за вузкай спецыялізацыі ўрачоў па некаторых складаных паталогіях.
Тут, напрыклад, выдаленне іншароднага цела з ЖКТ каштуе 540–800 без уліку наркозу. А калі ў сабакі здарыўся заварот страўніка, будзьце гатовыя аддаць 870–1100.
Калі аперацыя экстраная і пазапланавая, патрэбна будзе дадаць да асноўнага кошту паслугі адразу 1000.
На траўматалогію і артапедыю цэннік тут таксама высокі. Напрыклад, лячэнне складаных пераломаў можа каштаваць 1120, складаныя аперацыі на звязках – 1450, лячэнне вывіху каленнай рэпкі – 500–730, у заледнасці ад памеру. Усё без уліку кошту наркозу.
Замена тазабедранага сустава сабаку зусім каштуе 15 тыс. Параўнанне не зусім карэктнае, але для людзей такая аперацыя ў прыватнай клініцы абыйдзецца ў 17,5 тыс.
У ветцэнтры доктара Базылеўскага цана хірургічных аперацый стартуе ад 110, але ў сярэднім яны каштуюць у раёне 500. Пералік правядзення магчымых маніпуляцый таксама вельмі шырокі.
Да прыкладу, хірургічнае лячэнне пнеўматоракса ў ката ці невялікага сабакі абыйдзецца ў 500, раненні грудной поласці ў такога ж памера жывёлаў – 900, перытаніта – 500. Ёсць аперацыі яшчэ даражэйшыя: гэта складаныя маніпуляцыі на сасудах (каля 1100), пластыка воўчай пасці і заечай губы (ад 1000).
УЗД і аналізы
Нятанна каштуюць і лабараторныя даследаванні. У прэйскурантах усё пачынаецца з сярэдніх 40, у залежнасці ад віда і паўнаты аналізу, але на практыцы цана выходзіць значна вышэй.
А кошт УЗД для жывёлаў у некаторых выпадках нават даражэй, чым такія ж даследаванні для людзей.
Да прыкладу, у "Галоўнае – хвост" за такую паслугу прыйдзецца аддаць мінімум 49. УЗД сэрца каштуе 64.
У "АйбіВет" УЗД органаў брушной поласці каштуе 54, сэрца – 71, на цяжарнасць– 41.
Калі прыйдзецца здаваць аналіз крыві на некалькі паказчыкаў, гэта будзе дорага каштаваць. Напрыклад, пашыраная "біяхімія" каштуе тут 50, праверыць узровень гармонаў (адзін паказчык) – 45–70, вызначыць групу крыві катоў – 95, а выявіць тытры да вірусаў шаленства – зусім 600.
Агульны аналіз мачы – 24, кала – 55. Яшчэ даражэй будуць даследаванні на выяўленне разнастайных інфекцый, а таксама ПЦР-тэставанне.
У клініцы "Доктар Вет" цэны на УЗД стартуюць ад 35 (ныркі, мачавы пузыр, прадсталёвая залоза) і даходзяць да 85 (сэрца).
Зрабіць пашыраны біяхімічны аналіз абыйдзецца ў 30–40, пашыраны аналіз мачы – 35, кала – 22-35, а вызначыць групу крыві ў жывёлы – 120.
Адзін паказчык гармонаў каштуе 55. Ёсць даследаванні метадам ПЦР, напрыклад, комплексы для катоў – ад 60 да 105, для сабакаў – ад 65 до 100.
У "Сас Энімал Сервіс" за УЗД органаў брушной поласці патрэбна будзе аддаць 65, а калі спатрэбіцца зрабіць такое даследаванне сэрца, то і да 90.
На лабараторныя даследаванні тут таксама трэба будзе патраціцца. Напрыклад, базавы агульны і біяхімічны аналіз крыві каштуе 101, мачы – 46.
Колькі каштуе зрабіць МРТ гадаванцу
У Мінску ўсяго пара клінік, дзе ёсць патрэбнае абсталяванне. Даследаванне МРТ у "Доктар Вет" абыйдзецца мінімум у 350 і максімум у 725 за некалькі зонаў пазваночніка.
Калі ж тамаграфію рабіць ноччу і экстрана, дзейнічае павышаны каэфіцыент. Цэны пазначаныя без уліку расходнікаў.
Апарат ёсць у ветсервісе доктара Базылеўскага. Тамаграфія адной вобласці тут каштуе 250.
У "Сас Энімал Сервіс" МРТ адной зоны – 350. Тут ёсць яшчэ і апарат КТ, паслуга абыйдзецца ад 160 до 700.
Чаму так дорага?
Увогуле, наведванне ветэрынарнай клінікі каштуе нятанна. Нават перад планавым візітам, каб праверыць здароўе гадаванца, патрэбна будзе падрыхтаваць каля 500 на базавыя аналізы, УЗД і, адпаведна, сам прыём.
У экстраных сітуацыях выніковы чэк можа пераваліць за 1000, а ў некаторых выпадках будзе куды большым.
Трэба заўважыць, што па асобных пазіцыях ветэрынарныя паслугі каштуюць даражэй, чым аналагічныя для людзей.
Дарэчы, адна з ветклінік – "Дзевяць жыццяў" – спрабавала патлумачыць, чаму цэны ў гэтай сферы нашмат вышэй "чалавечых" і чаму ўвогуле ўсё не танна.
Да прыкладу, тут распавялі, чаму не заўсёды можна агучваць выніковы кошт загадзя: "у шэрагу выпадкаў складана сказаць, што будзе патрэбна" гадаванцу.
А калі лячэнне аператыўнае і стан жывёлы хутка змяняецца – прадказаць фінальную суму практычна немагчыма.
"Мы не баімся даваць поўныя кошты, дзе гэта магчыма… Ужо ў клініцы, калі сітуацыя больш-менш зразумелая, агучваем максімальна блізкую да выніковай цану. Для шэраговых працэдур і маніпуляцый і дакладную лёгка сказаць. Больш за ўсё складана гэта зрабіць для стацыянарнага ўтрымання, кожную хвіліну ўсё можа змяніцца. Там мы пад подпіс даем прыкладны кошт, з калідорам у 20-30%, прадугледжаныя і дзеяннні ў выпадку форс-мажораў, калі перарасход атрымаецца", – патлумачыў галоўны ўрач ветклінікі Аляксей Клянцэвіч у каментары для свайго сайта.
